Diroz

عبارة بنقولها لما نكون عصرين علي نفسنا لمونة عشان نرضي بظروفنا و عيشتنا .. تقوم ظروفنا و عيشتنا دي هي الي ماترضاش بينا ...
ودا اللي بيخليني افكر ، طب هو انا مطلوب مني اعمل ايه بالضبط عشان اعجب ، عشان حياتي تمشي و ظروفي ترضي عني، و افضل افكر .. افكر .. افكر ...
و اتعب دماغي و دماغ الناس الي حواليه .. و اطلع في اخر الامر بنظريات معملية فذة و استنتاجات ذات بعد جوهري عميق... ممكن تحل لي مواقف بعد كده او ممكن ماتحلش، بس علي الاقل دماغي بترتاح شوية لما بوصل لنظرية تفهمني ظروفي اياها دي .. مش راضية بيا ليه!!!!
و فضلت كاتمه كلامي دا جوه قلبي .. ممكن لما يفيض بيا اشاركه شوية مع الناس حواليا .. منهم الي يخدني علي قد عقلي .. و منهم الي يصدقني او يضيف ليا .. و لما لقيت ان كل الناس بتكتب .. و ان من حق كل مواطن انه يطلع الي في نفسه و يقول الي هو عايزه .. قلت طب و ماله .. ليه ما اشاركش تفكراتي و نظرياتي مع الناس الي اعرفهم و الناس الي ماعرفهمش .. اصل اكيد في ناس تانية خطر في بالها الي خطر في بالي .. طب ما لو جمعنا نتاج تفكيرنا كلنا .. يمكن نفهم اكتر و ساعتها .. يمكن نرتاح اكتر ..
انا لا بقول اني بفهم كل حاجة .. ولا اني فيلسوفة عصري و اواني .. انا بس عايزة حد يسمعني و يشاركني فكري .. والله يمكن تضرب معانا و نقول حاجة بجد ليها معني وقيمة ...
قريباً ... اولي الحكايات و النظريات عن العيشة و الي عايشنها ...
2 Responses
  1. mragab100 Says:

    مسااااااااء الخيير يا ديروووز
    والله موضوع رضينا بالهم والهم مرضيش بينا ده الواقع اللى كلنا عايشين فيه
    So, :)
    انا مش عارف ممكن اشارك ازاى
    اقول القصص اللى تحبط
    والا نعمل حمله ضد الهم والمهمومين
    والا هيكون ايه الكلام
    المهم انا حبيت اشارك لان الموضوع يستحق المشاركة
    ومبروووووك على الافتتاح
    وفى انتظار اول موضوع
    رجبوووووفتش :)


  2. A.Said Says:

    لو علمتم الغيب لإخترتم الواقع
    لذلك من الأفضل أن نقبل واقعنا كما هو لأننا لا نعلم ماذا يخبيء لنا القدر


Post a Comment